Eskolan Konposta

Bideberri Institutuko ikasleek hondakinen bilketa hobetzeko lanak egin dituzte

Azkeneko aste hauetan Donostiako Bidebieta auzoan kokatuta dagoen Bideberri Institutuan ikasleekin batera eraikin kanpoan sortzen diren hondakinen bilketarako hobekuntzak egin dituzte.

Betidanik kaleetan aurkitu izan ditugun zakarrontzi txuriak ere bazituzten ikastetxe honetan eta jolasgune ezberdinetan sakabanatuta zeuden. Ikasleekin batera zakarrontzi hauek garbitu eta kolorez margotu dituzte, bilduko den hondakinaren arabera, eta multzoka jarri dira. Honekin ikasleek hondakinak ondo birziklatzeko aukera izango dute.

Agenda 30eko ekintzen barruan burututako jarduera hau baratzaren hobekuntzarekin lotu da, baita konpostagailu berrien muntaiarekin ere. Honela, hiru konpostagailuz osatutako konpostagune bat dute orain.

 

Konpostagune berria Orereta Ikastolan

Hilabete honetan Eskolan Konposta proiektuaren parte diren hainbat ikastetxetan konpostagailu berriak gehitu dira. Oraingo honetan, Errenteriako Orereta Ikastolan  jarri dira, ikasle zein irakasleak hamaiketakoan sortzen duten hondakin organikoekin eta baratza garbiketan sortutakoarekin konposta egitea dela helburu.

Orereta ikastolan ekintza honekin oso aktibo daude, “Orereta Ikastolako Añabitarteko eremua mendialdean egoteak naturan zein naturaz ikasteko aukera handiak eskaintzen dizkigu. Baso-eskola, baratzea zein ikasleek beraiek ikaskideentzako sortutako lurreko jolas-parkea izan daitezke horren adibide.”

Ikasleekin patruila berdea sortu dute. Ingurumen brigadek asteroko “misioa” dute, astelehen eta ostiraletan: lehenean, patioa garbitzen dute; eta bigarrenean, jolaslekua garbitzeaz gain, ontzi marroietako aste guztiko hondakin organikoak biltzen dituzte. Hori eginda, konposta-kaxako lana hasten da: aurreko astekoa aireztatu, bildu berri dutena gainera bota eta amaitzeko, guztia materia lehorrarekin estaltzen dute. Ikastolako baratzean erabiltzeko asmoa dugu hortik lortutako ongarria.

2016. urtean hasi ziren Orereta Ikastolan konposta egiten, bertan sortzen den konposta baratzean erabiltzeko asmoz. Ikasturte batetan sortzen zituzten hondakin organikoen kopurua bi konpostagailuen bitartez kudeatzen zen baina txiki geratu dira. “Konpostaren zikloa betetzeko denbora behar da eta konpostagailuak beteta ditugunez, gehiago jartzea erabaki dugu. Konpostagailu zaharren konposta ateratakoan lekuz aldatuko ditugu eta lau konpostagailuz osatutako konpostagune bat sortuko da”.

Lehen hezkuntzako ikasleen sentsibilizaziorako geletan hainbat saio didaktiko burutzen ari dira ere, jolas batzuen bitartez etxe-hondakin mota guztiak nola kudeatu behar diren ikasiz.

Iturria: Orereta Ikastola

Margotu eta Ikasi koadernoa, konposta egiteaz gain bestelako hondakinak nola birziklatu ikasteko koadernoa.

Europako hondakin prebentziorako astearekin batera Cristina Enea Fundazioatik hainbat ekintza burutu dira. Hauen artean “Plastikorik Gabeko Astea” jarduera, Gipuzkoa eta Nafarroako 20 ikastetxetan burutu dena. Honez gain ikastetxeetako konpostagailuetan laguntza eskaintzen jarraitu da eta COVID19a dela eta neurri berriekin antolatutako ikasleentzako saio didaktikoak ere egin dira.

Ikastetxeetan birziklapenaren gaia beraien kabuz lantzeko aukera ere garatu da. Adibidez, ONdakin proiektuan igotzen diren unitate didaktikoen bitartez, hondakinak era egokian nola birziklatu behar diren ikasten dute.

Eskolan Konposta proiektuan “Margotu eta Ikasi” koadernoa estekatu da, nahi duten ikastetxeek deskargatzeko aukera izan dezaten. Koaderno honen bitartez, haur hezkuntza eta lehen hezkuntzako lehenengo zikloko ikasleek marrazkien bidez, identifikatu eta margotuz, hondakin bakoitza nora bota behar den ikasiko dute. Margotzeaz gain, bestelako froga eta jolasak proposatzen dira bertan.

Koadernoa HEMEN.

Cristina Enea Fundazioak Hondakinen prebentziorako Europar Astearekin bat egingo du

Greenpeacek adierazten duenez, Plastikoen mundu mailako ekoizpena azken 50 urteetan izugarri igo da, bereziki azken hamarkadetan. Izan ere, azken hamar urteetan, gizateriaren historia osoan baino plastiko gehiago ekoiztu dugu.

Horregatik Cristina Enea Fundazioatik Hondakinak Prebenitzeko Europar Astearekin bat egin nahi dugu (Azaroak 21-29) gizarterian plastiko eta ontzien erabilerari buruz hausnarketa bat eginez, erabilera bakarreko produktuen erabileraz gehienbat.

“Plastikorik Gabeko Astea” kanpainaren bitartez, Europako edozein ikastetxetan burutu daitekena, astebetez ikasleek hamaiketarako ikastetxeetara eramaten dituzten plastikoak eta ontziak murriztea lortu nahi da. Egunero mota honetako hondakin kopuru handia sortzen da, aluminiozko papera, patata poltsak, latak eta brikak adibidez. Kanpaina hau azaroak 23tik 27ra burutuko da.

Keinu txikien bidez ikastetxeko komunitate osoa sentsibilizatzea lortu nahi da, eta sortzen ditugun hondakinen kopuruaren aurrean erresilientzia sortzea. Janaria ekartzeko tuperrak erabiliz eta edarirako kantinplorak edo termoak ekarriz hondakinen sortzea murriztuko dugu.

Kanpainaren informazio guztia, deskargatzeko baliabideak eta proiektuan izen emateko aukera, hurrengo BOLETIN honetan auriktu daiteke.

Honez gain aste horretan Cristina Enea Fundazioak bultzatzen dituen ONdakin eta Eskolan Konposta proiektuen bidez baliabide ezberdinak zabalduko dira. Gure sare sozialetan klip motzak ikusteko aukera izango da ere.

Ikastetxe komunitate barruan dauden pertsonei ekintza hau zabaltzera gonbidatzen ditugu.

Zaindu dezagun maite dugun hori!

Europako lehen maskara konpostagarria kalamu-zuntzez egina dago

Erabili eta botatzeko material sanitarioa, koronabirusaren pandemiarekin lotuta dagoena, dagoeneko faktura pasatzen ari zaio plastikoz paketatutako planetari, emisio kutsagarriei eta ekosistemak itotzen dituzten hondakinei. Maskarena arazo larria da batez ere itsas ingurunearentzat: berez jada larria den egoera larriagotzen dute. Gure uretan amaitzen diren aurpegi-maskara eta eskularru guztiak zenbatu gabe, NBEren arabera, urtero 13 milioi tona plastiko botatzen dira itsasora, eta mundu osoan ekoitzitako material horren erdia erabilera bakarreko gauzetarako da.

Aukera nagusietako bat, oihalezko maskarak erabiltzeaz gain, horrelako aukera biodegradagarriak garatzea da, eta, beraz, lurzorua, ozeanoa eta biodibertsitatea errespetatzen dituztenak. Frantziako fabrika batean, pandemiaren hasieratik, laserrek kalamuzko mihiseak mozten dituzte sortzaileen arabera Europako aurpegiko lehenngo maskara konpostagarria dena egiteko.

Koronabirusa munduan sartu ondoren, konpainiak bere material konpostagarria (landatzeko eta ontziratzeko erabilia) maskaretarako iragazki seguru bezala ere erabil zitekeela ikusi zuen, larrialdi sanitarioari bere feltro begetal ekarpenarekin erantzunez. Emaitza kontsumo arduratsu, ekologiko eta etikoa bultzatzearen ondorio da. Bere maskara biokonpostagarria da, %100ean frantses kalamuzko zuntz naturaletan iragazten duen feltro batez osatua, DGAk kontrolatutako errendimenduarekin, UNS 2 kategoriaren arabera, eta erabiltzeko prest edo kit bezala saltzen da, beharren arabera.

Startupa Geochanvre deitzen da, eta kalamuzko maskarak, koronabirus pandemian zehar hondakin plastikoak murrizteko modu bat bezala aurkezten ditu, erabilera bakarreko babes ekipamenduetatik abiatuta, ingurumenekoen arabera, deskonposatzeko mendeak beharko dituena eta ozeanoak kutsatzen ari dena. “Heresia da polietilenozko produktuak, munduko bazter guztietara bidaltzen direnak, ez debekatzea. Tokiko nekazaritza materialak erabili behar dira”, esan dio Reuters TV telebista kateari Frédéric Roure Geochanvreko presidenteak.

Erabilera bakarreko babes-ekipamendu gehienak plastikoz eginak dauden bitartean, polipropilenoa, polietilenoa eta biniloa barne, maskara horiek material guztiz naturalez eginak daude, eta arazorik gabe itzultzen dira lurrera. Mozorroaren forruak arto-almidoiaren nahasketa bat du erosoago egoteko, eta banda elastiko birziklagarri bat. Kalamu-zuntzezko fardelak konpresoreen eta arrabolen bidez pasatzen dira lerroaren amaieran agertu aurretik, xafla lau paketatuak bailiran, moztu eta eskuz tolesteko prest.

Maskara horren abantailak hauek dira: % 89ko iragazketa-efizientzia 3 μm-ko partikuletan, 459 litro/m2/seg airerako iragazkortasuna 100 Pa-ko depresioarentzat eta tokiko produktu konpostagarri natural bat. Euro bat baino gutxiago balio dute, 50, 250 edo 400 maskara dituzten paketeetan eska daitezke, eta logo desberdinekin pertsonaliza daitezke. 50 euroko kutxa 34,29 euroan saltzen da.

Bezeroek, gehienak Europakoak eta Kanadakoak, 1,5 milioi kalamu maskara erosi dituzte martxotik, World Economic Forumek jaso duenez. Kontuan izanik ozeanoan amaitzen diren behin erabiltzen direnek 450 urte beharko dituztela deskonposatzeko, Waste Free Oceans kanpaina-taldearen arabera, merezi du kalamu edo zurezko zuntzez egindako alternatiba konpostagarrien aldeko apustua egitea.


Jatorrizko albistea Ticbeat.com webgunean argitaratua.

Etxeko hondakinen kudeaketa – poster berria

Etxebizitzetako kontsumoaren hazkundea eman da azkeneko aste hauetan. Egunerokotasunean, gure bizimoduaren arabera otordu asko etxetik kanpo egiten genituen. Lantokian, ikastetxeetan, jatetxe eta tabernetan zein gure kaleetan egunero zenbat hondakin sortzen genuen. Orain gure eguna etxean eman behar dugunez, etxebizitzetako kontsumoa igo da.

Honez gain, COVID19a dela eta hondakinen kudeaketan neurri bereziak hartu dira. COVID-19arekin kutsatuta edo berrogeialdian dauden herritarrek hau egin beharko zutela iragarri zen: euren hondakinak beste inor arriskuan jarri gabe Udalak bildu ditzan: gelan hondakin guztiak poltsa hermetiko batean sartu; gelatik atera aurretik, poltsa hori itxi eta beste poltsa batean sartu; azkenik, bigarren poltsa hori gainontzeko errefusaren poltsan sartu eta atera.

Gaixotutako pertsonen hondakin guztiak birziklatu gabe errefusara bideratu behar izan dira eta hainbat lekutan hondakin organikoaren bananketa gutxitu da. Alde batetik kutsatzeko beldurragatik eta, bestetik, poltsa konpostagarriak eskuratzeko zailtasunagatik (biztanleentzako arazo bezala ezin da kalifikatu, supermerkatu gehienetan poltsa konpostagarriak eskura daitezkelako).

Gaikako bilketa bultzatu nahian, Cristina Eneako hezkuntza departamentuak adin guztietarako balio duen poster bat argitaratzea erabaki du (2 urteko haur batek eta 99 urteko norbaitek ulertzeko moduko posterra). Ikastetxeetan izan duen arrakasta eta gero etxera moldatutako irudian, familiko edozein kidek hondakinak ondo birziklatzeko gai izango da.

Fundazioako hezkuntza departamentutik irizpide erraz batzuk ere zabaldu dituzte:

– Produktuak erosteko garaian, zenbat hondakin sortuko duen pentsatu, ontziratu gabeko produktuak erosten saiatu eta supermerkatura norberaren poltsak eraman.

– Hondakin bat bota baino lehen, berrerabili daiteken pentsatu. Ontziekin haurrek jostailuak edo eskulanak egin ditzakete adibidez.

– Hondakina sortu eta hontaz desegiten garenean, zein edukiontzira bota behar dugun pentsatu (errazena errfusara botatzea da baina hondakinen %90 baino gehiago birziklatzeko moduan egongo da.

– Sortutako hondakinak janariarekin zikinduta badaude, hauek bota baino lehen garbitu.

– Produktu bat material ezberdinez osatuta badago eta material hauek banandu badaitezke, material bakoitza dagokion edukiontzira bideratuko da. Banandu ezin badira, errefusara.

– Askotan beira eta kristala nahasten ditugu, eta berdin erabiltzen ditugu, baina ez dira berdinak! Garrantzitsua da beiraren eta kristalaren arteko desberdintasunak ezagutzea, horiek bereizteak asko lagunduko baitigu birziklatzen. Beira den ziurtatu eta edukiontzi berdera botako dugu. Bestalde, beira bada kaxa batetan gorde eta garbigunera eramango dugu. Oso gutxi bada, errefusara bideratuko dugu.

– Hondakin organikoak bereiztera animatu. Gertuko udalerri guztietan, gaikako bilketa edo atez ateko sistema erabiliz, biztanleriak hondakin mota hau ondo birziklatzeko aukera du. Eta nahiz eta terraza edo berdegunerik ez izan, etxean egon beharreko aste hauetan ideia ona da haurrekin konpostaren prozesua ezagutzea. Lorontzi baten bidez edo kubo bat erabiliz, fruta-hondarrak aprobetxatuz eta lurrarekin nahastuz naturarekin kontaktua izateko aukera polita da.

– ADI! Eskularruak eta maskarak errefusara botako dira. Supermerkatu handietako aparkalekutan eta kaleetan lurrean botatako material hauek aurkitu dira eta naturari kalte egiten diete.

Zuen sukaldeetan gure posterra jartzera animatzen zaituztegu. Denon artean natura zaintzea lortuko dugu eta.

Click to access Etxe_Hondakinak_eus_cast.pdf

Eskulanak eta hondakinak, belaunaldi berriak jasangarritasunera gerturatzen

Orain, etxean denbora gehiago ematen dugunez, agian gehiago jabetuko gara egunero sortzen dugun hondakin kopuruaz. Aukera polita izan daiteke belaunaldi gazteenak iraunkortasunera hurbiltzeko, gure hormak apaintzeko ez ezik, etxean sortzen ditugun hondakinen tipologia argi eta garbi erakusten duen eskulan honen bidez.

Gure lankide Josemari Rodriguezek, Eskolan Konposta eta ONdakin bezalako proiektuen arduradunak, etxeko txikienekin egin dezakegun jarduera xume hau proposatzen digu. “Aukera bat da haurrek hondakinak identifikatzen eta bereizten ikas dezaten”, esan digu Josemarik, eta gaineratu du jarduera honek “kontsumo-ereduei zein hondakinei buruzko hausnarketa” egiten laguntzen duela.

Horretarako, Cristina Enea Fundazioko teknikariak taula bat egin du (albiste honek erantsita duen artxiboan eskura dezakezue), asteko egunak eta hondakinen tipologia adierazita. Jarduera erraza da: etxean sortzen ditugun hondakin mota ezberdinekin egunero betetzea. Zer kolorerekin? Hondakin bakoitzetik sortzen dugun kantitatearen arabera, kolorea berdetik (mota horretako zero hondakin) beltzera (bost hondakin edo gehiago) joan daiteke.

Horrela, “txikienen sormena sustatuz”, astero kolore ugariko koadro polit bat lortu ahal izango dugu, bi gauzatarako balioko diguna: gure etxea apaintzeko eta etxean sortzen dugun hondakin kopurua argi ikusteko. “Etxe guztiak, eta aste guztiak, ezberdinak dira; ondorioz, beti aterako zaizkigu koadro ezberdinak”, adierazi du Rodriguezek.

Hondakin Organikoen Bilketa Berrogeialdian Sanmarkos Mankomunitateko udalerrietan

Berrogeialdiarekin batera biztanlerian kezka bat sortu da. Nola kudeatu gure hondakinak? Aurreko artikulu batean kasu positiboak dauden etxeetan zer egin adierazi zen. Oraingo honetan iritsi diren kezka edo galdera batzuk erantzun nahian, Sanmarkos Mankomunitateko udalerri ezberdinetan hondakin organikoak nola biltzen diren aztertu nahi izan dugu.

DONOSTIA

Hondakin organikoen bilketa betiko moduan egingo da. Kaleko bosgarren edukiontzia erabiltzen jarraitu daiteke. Poltsa konpostagarriak lortzeko zailtasunak izango dira udalerri honetan makina gehienak kultur etxe eta polikiroldegietan kokatuta baitaude. Momentuz gune bakarrean eskura daitezke: Morlanseko udaltzaingoaren eraikinean. Udalak banatzen dituen poltsa agortzen bazaizkigu, aste hauetan poltsa konpostagarriak supermerkatuan erostea gomendatzen da eta bilketa zerbitzua erabiltzen jarraitzea.

ERRENTERIA

Hondakin organikoen bilketa betiko moduan egingo da. Kaleko bosgarren edukiontzia erabiltzen jarraitu daiteke. Poltsa konpostagarriak lortzeko zazpi gune ezberdinetatik lau hauetan lortu ahal izango dira:

  • Kaputxinoak: Sorgintxulo kalea, 11
  • Iztieta: Nafarroa etorbidea 24. San Jose Obrero Elizan
  • Udaletxea: Herriko plaza
  • Beraun: Aita Donostia kale atzealdean. Erretiratuen elkarte ondoan

PASAIA

Udalerri honetako hondakinen bilketa ez da murriztu eta poltsa konpostagarriak betiko guneetan jaso ahal izango dira.

  • Donibane: Erabilera anitzeko eraikineko kirol-eremuaren sarreran (arraun-elkartearen gainean), Lezobidea, z.g.
  • San Pedro: Herriko plazan, Alkateordetzako beheko solairuan (liburutegiko sarreran).
  • Antxo: Gure Zumrdian, automatikoki garbitzen diren komunen ondoan.
  • Trintxerpe: Alkateordetzan, Euskadi etorbidea z.g. (Udaltzaingoaren eta Trintxerpeko HAZ bulegoaren ondoan).

HERNANI 

Atez ateko zerbitzua betiko moduan jarraitzen du eta hiri hondakinen gaikako bilketa egokitu da COVID-19 dela eta berrogeialdian edo gaixorik daudenen etxebizitzetan. Kutsatuta dauden edo egon daitezkeen herritarren hondakinak beste etxeetakoekin ez nahasteko hartu dute neurria, birusaren kutsatze-arriskua gutxitzeko helburuarekin.

Famili hauei hondakin guztiak poltsa batean sartu eta udalarekin harremanetan jartzeko eskatzen zaie (943 54 30 16 edo eta 668 84 17 74 telefonoetara deituta). Beste herritarrei eskularruak, maskarillak eta musuzapiak errefusaren kuboan botatzeko eskatu zaie.

LEZO

Udalerri honetako hondakinen bilketa ez da murriztu eta aste hauetan errefusarako eta hondakin organikoetarako edukiontziak irekitzeko erabiltzen den giltza kentzea erabaki da, edukiontzi hauek irekiak egongo dira, alegia. Poltsa konpostagarriak ezingo dira udal polikiroldegian eskuratu.

USURBIL

Atez ateko sistema egokitu du udalak kutsatuta edo berrogeialdian dauden etxeetan. Atez atekoak bere horretan jarraituko du, Covid19 birusarekin berrogeialdian edo isolatuta daudenekin izan ezik. Famili hauei hondakin guztiak poltsa batean sartu eta udalarekin harremanetan jartzeko eskatzen zaie, 669 87 40 22 telefonora deituta.

Beste herritarrei eskularruak, maskarillak eta mukizapiak errefusaren kuboan botatzeko eskatu zaie.

OIARTZUN

Oiartzungo Udalak COVID-19arekin kutsatuta edo berrogeialdian dauden herritarren hondakinen bilketa berezia egingo du. Bilketa antolatu ahal izateko, kutsatuta edo berrogeialdian dauden herritarrek udaltzaingora deitu beharko dute beren egoeraren berri emateko (943 49 33 11). Ondoren, udaletxetik berriz deituko zaie beren hondakinen bilketa noiz egingo den zehazteko eta jarraitu beharreko prozedura azaltzeko.

COVID-19arekin kutsatuta edo berrogeialdian dauden herritarrek hau egin beharko dute euren hondakinak beste inor arriskuan jarri gabe bildu ditzan Udalak: gelan hondakin guztiak poltsa hermetiko batean sartu; gelatik atera aurretik, poltsa hori itxi eta beste poltsa batean sartu; azkenik, bigarren poltsa hori gainontzeko errefusaren poltsan sartu eta atera.

Gainerako herritarrek hondakinak ohiko moduan atera beharko dituzte, egun bakoitzean dagokion frakzioa.

URNIETA

Urnietako Udalak errefusa botatzeko edukiontziak behin-behinean egunero irekitzeko erabakia hartu du, material prebentiboak erabili behar dituzten pertsonek, hala nola eskularruak edo maskarak, erabili ondoren bota ahal izan ditzaten. Material horiek kontu handiz bota behar dira errefusaren edukiontzira, poltsa batean sartu eta hermetikoki itxita, kutsatzeak saihesteko.

Udalak espero du neurri hori behar duten pertsonek erabiltzea, eta hondakinak bereizteko orduan herritarrek izan duten jokabide ona ez aldatzea. Bestetik Lekaion kokatutako poltsa konpostagarrien makina eskuragarri ez dagoenez, brigadek poltsak Lekaioko sarreran eskuratzeko aukera ematen dute, ordutegi murriztuarekin. Txartela aurkeztuta edo bizilagunari gerturatzeko ere eskura egongo dira.

ASTIGARRAGA

Gaixoen hondakinen poltsak errefusaren edukiontzian utzi behar dira. Erabat debekatuta dago gaixo duden pertsonen hondakinak gaikako bilketarako edukiontzietan uztea, baita edukiontzien inguruan ere.

Hori dela eta, alarma egoerak irauten duen bitartean organikoaren eta errefusaren edukiontziak egunero egongo dira irekita. Era berean, egoera honek irauten duen epealdian ez da txartelik beharko errefusaren eta hondakin organikoen edukiontziak irekitzeko. Bolumen handiko hondakinak ez dira jasoko.

LASARTE – ORIA

Hondakin organikoak modu arruntean bilduko dira, koronabirusa edo berrogeialdia duten pertsonak dauden familia edo etxebizitzetan izan ezik; azken kasu horretan, gaikako bilketa  duten gainerako udalerrietan bezala jokatuko da. Kaleko bosgarren edukiontzia erabiltzen jarrai daiteke. Poltsa konpostagarriak udaletxe zaharrean jarritako makinan jasotzen jarrai dezakete.

Ez utzi hondakin poltsarik edukiontzien inguruan eta hondakin mota bakoitza dagokion edukiontzian utzi. Joka dezagun arduraz!

Konposterako eta erosketetarako erabiltzen ditugun erabilera bakarreko eskularruak, errefusara.

Egun hauetan, koronabirus kasuaren hedapenarekin, produktu baten erabilera biderkatu da. Egunerokotasunean, kalera irteteko edo eta laneko jardunaldietan erabilera bakarreko eskularruak zabaldu dira. Maila partikularrean, ez dago protokolo ofizialik eskularru horiek pertsona indibidualengan erabiltzeko, kutsatu ez daitezen. Izan ere, Maria Neira OMEko Osasun Publikoko zuzendariak asteazken honetan Rac-1 irratiari adierazi dionez, botiken hornikuntzarik ezaren egungo egoera “irrazionala eta neurrigabea” da. Neurririk eraginkorrena, gogorarazi duenez, eskuen higiene ona mantentzea da.

Albiste honen bidez, gizarteak erabili ondoren eskularru horiek nola desegiten dituen jakinarazi nahi da. Badira modu zibilizatuan behar bezala biltzen dituztenak. Baina badira beste asko, denda batetik ateratzean edo autoan ibiltzen direnean eskularru horiek lurrera botatzen dituztenak, ondorioetan pentsatu gabe. Nork jasoko ditu gero eskularru horiek? Pertsona hori kutsatuta egon daitezkeen eskularru horien eraginpean jarriko da? Haizearen eraginez, eskularru hori putzuren batean, ibairen batean edo zuzenean itsasoan amaituko da? Galdera horiek eta beste asko dira bai hondakin honekin bai kaleetan eta gure izaeran egunez egun abandonatuta aurkitzen diren beste askorekin helarazi nahi ditugunak.

“Erabili eta gero zakarrontzira!” kanpainaren bitartez, biztanleriari hondakinen kudeaketa on bat gerturatu nahi diogu. Eta kasu honetan, eskularruak nora bota?

Ecoembes enpresaren hitzetan, <<Etxean zauri txikiak garbitzeko, prestatzeko edo sendatzeko eskularruak erabiltzea ohikoa da. Objektu horiek birziklatzeko orduan, egin behar dugun lehenengo gauza eginda dauden materiala egiaztatzea da, aukerak oso ugariak baitira. Gainera, kontuan hartu beharko dugu kutsatuta edo zikin dauden, horrek ere baldintzatuko baitu haien birziklatzea.

Material organikoz zikinduta badaude (janaria, landareak, odola …), hondakinentzako edukiontzian utzi beharko dira, grisean. Ez badaude eta zuntz sintetikoz egindako eskularruak badira (neoprenoa, PVC edo nailona, besteak beste), bereizi egin beharko dira, kontuan hartuta material bakoitza edukiontzi desberdinetan uzten dela. Nailon eskularruak ere edukiontzi grisera joan behar dira, adibidez; neoprenozkoak, berriz, arropa edukiontzietan utzi beharko dira. PVCkoak, berriz, edukiontzi horian birziklatuko dira. Zuntz naturalen gertaerak (zelulosa edo zeta) garbigune batean utzi beharko dira.>>

Kasu hauetaz gain, konpostarekin lan egiteko berrerabilgarriak diren eskularruak erabiltzea gomendatzen da. Konpostagailuan izango diren lanen arabera, erabilera bakarreko eskularruak oso hauskorrak dira eta patogeno zein zikinkeriatik ez dute hain ondo babesten. JardineriaON web orrian adibidez, eskularruen konparaketa on bat aurki dezakezue.

POSTERRA eskuratu.

Positiboak dituzten etxeetan zaborra maneiatzeko gomendioak edo berrogeialdian COVID-19 bidez.

Iturria: Sanmarkos.eus

Sanmarkos Mankomunitateak hiri hondakinen kudeaketari buruz adierazpen batzuk argitaratu ditu bere web orrian.

Gaixoaren hondakinak, erabiltzen duen erabili eta botatzeko materiala barne (zapiak, eskularruak, maskarak), plastikozko poltsa batean (1.poltsa) ezabatu behar dira, gelan dagoen zaborontzi batean, ahal dela estalkia eta irekitzeko pedala erabilita, birziklatzeko inolako bereizketarik egin gabe.

1. poltsa behar bezala itxi behar da, eta 2. poltsan sartu, gelaren irteeraren ondoan. Bertan, gainera, zaintzaileak erabilitako eskularruak eta maskara utziko dira, eta gelatik irten aurretik behar bezala itxiko da.

2. poltsa, aurreko hondakinekin batera, etxeko gainerako hondakinekin batera etxeko zabor orokorreko poltsan utziko
da (3. poltsa), hondarreko zatikiari edo errefusa izateari dagokiona.

3. poltsa, behar bezala itxita, edukiontzi grisean bakarrik utziko da, hondarreko frakzioari edo errefusari dagokion edukiontzian.

Informazio gehiago HEMEN.

 

Nabigatzen segituz gure cookien politika onartzen duzula ulertuko dugu. Al continuar con la navegación entendemos que aceptas nuestra política de cookies. +Info

Cookien erabilpena. eskolankonposta.eus-k bere cookiak eta hirugarren batzuenak erabiltzen ditu nabigazio esperientzia hobetzeko eta azterketa analitikoak egiteko. Nabigatzen segituz gure cookien politika onartzen duzula ulertuko dugu. Uso de cookies. eskolankonposta.eus utiliza cookies propias y de terceros para mejorar la experiencia de navegación y realizar analíticas. Al continuar con la navegación entendemos que aceptas nuestra política de cookies.

Itxi / Cerrar