Izenburu horrekin abiatu zen 2019-2020 ikasturtea, ikastetxeetan sortzen diren hondakin ezberdinak ondo kudeatzeko asmoarekin. Hondakin organikoez gain, bestelako hondakin guztiak nola sailkatu behar diren adierazten duen kartel bat prestatu da.
Askotan kartel bat ikusten dugunean irakurtzera ez gara gelditzen. Horregatik, adin guztietarako, haur zein helduentzako, marrazkien bidez adierazitako kartel berri honetan, ikastetxeetan nabariak diren hondakinak adierazi nahi izan dira. Honela gure hiri eta herrietako gaikako bilketa erabiliz (edo atez ateko zerbitzua erabiliz) ikasleek bereziki hondakinak nola sailkatu behar ditugun ikasiko dute.
Gaikako banaketa egiteaz gain (ontzi arinak, papera eta kartoia, beira eta hondakin organikoak) ikastetxeetan sortzen diren beste hainbat hondakin nola bideratu ere adierazi nahi izan da. Adibidez, ikastetxeetan idazteko material asko erabiltzen da eta hauen erabilera agortzen denean errefusara bota beharrean gaixotasun ezberdinen ikerketan laguntzeko material hauek birziklatu daitezke.
Zuen ikastetxerako kartelak nahi izanez gero gurekin harremanetan jarri ohiko komunikabideak erabiliz (cristinaenea@donostia.eus edo eta 943 45 35 26 telefonora deituz) edo ONdakin proiektuaren web orriaren bidez.